Moskva geri addım atmır: Qərb yarımkürəsində qalacaq

Rusiya Qərb yarımkürəsində mövcudluğunu qorumaqda israrlıdır və bu istiqamətdə geri çəkilmək niyyətində deyil.

News365.az xəbər verir ki, bu barədə TASS agentliyinin yaydığı məlumata görə, ölkənin xarici işlər nazirinin müavini Sergey Ryabkov Havanada jurnalistlər qarşısında çıxışı zamanı bildirib.

Diplomat qeyd edib ki, Vaşinqton regionda Rusiyanın və eyni zamanda Çinin təsirini azaltmağa çalışır. Lakin onun sözlərinə görə, bu cəhdlərin nəticə verməsi mümkün deyil.

Ryabkov vurğulayıb ki, Moskva Qərb yarımkürəsində mövqelərini qorumaqda qətiyyətlidir və xarici təzyiqlərə baxmayaraq, regiondan çıxmaq kimi bir planı yoxdur. O, əlavə edib ki, bu istiqamətdə irəli sürülən təşəbbüslər reallıqdan uzaqdır və həyata keçməsi inandırıcı görünmür.

News365.az