Lənkəranda 36 yaşlı qadın evində ÖLÜ tapıldı

Lənkəran rayonunun Ləj kəndində qadın meyiti aşkar edilib.

 News365.az xəbər verir ki, 1989-cu il təvəllüdlü kənd sakini Nigar Heydərovanın meyiti yaşadığı ünvanda tapılıb. Üzərində zorakılıq əlamətlərinin olmadığı bildirilir.

Meyit daxili və xarici müayinə üçün Məhkəmə Tibbi Ekspertiza və Patoloji Anatomiya Birliyinin Lənkəran rayon şöbəsinə təhvil verilib. Ekspertiza nəticəsində ölümün dəqiq səbəbi müəyyən olunacaq.

Faktla bağlı rayon prokurorluğunda araşdırma aparılır.