Laporta FİFA-nı tənqid etdi

“Baselona” klubunun prezidenti Xuan Laporta FİFA-nı tənqid edib.

News365.az xəbər verir ki, prezident klubun futbolçusu Rafinyanın Braziliya-Fransa oyununda zədələnməsində FİFA-nı günahkar görüb:

“Rafinyanın yoldaşlıq oyununda zədələnməsi utancvericidir. FİFA oyun cədvəlini düzgün qurmalıdır. Mövsümün bu hissəsində bir yoldaşlıq oyununa görə çox vacib futbolçumuzu itirdirdik. Onlar nəzərə almalıdır ki, bu futbolçular böyük klublarda oynayır və ən nüfüzlü titullar uğrunda mübarizə aparır. Belə təqvimlə futbolçuları hədindən artıq yükləmək düzgün deyil.

Oyunçularda günah görmürəm, onlar profesionaldır və ölkələri adına ən yaxşı səviyyədə çıxış etməyə çalışırlar. FİFA-onları bu qədər gərgin təqvimlə oynatdıqda isə zədələr qaçılmaz olur”.