İsraildən sui-qəsd etirafı

Ehud Olmert, 2008-ci ildə Suriyalı general Muhammed Süleymanın öldürülməsini İsrailin həyata keçirdiyini açıqlayıb.

İsrailin keçmiş baş naziri Ehud Olmert nəşr etdirdiyi xatirələrində, devrilmiş Suriya lideri Bəşər Əsədin nüvə müşaviri olan briqada generalı Muhammed Süleymanın 2008-ci ildə İsrail tərəfindən öldürüldüyünü etiraf edib.

"Mənim əmrimlə"

Olmertin yeni çapdan çıxmış xatirə kitabında yer alan açıqlamasına görə, Tuğgeneral Süleyman İsrail ordusuna bağlı xüsusi birlik tərəfindən öldürülüb. Olmert bu əməliyyatın birbaşa onun əmri ilə həyata keçirildiyini vurğulayıb.

2008-ci ilin avqustunda öldürülmüşdü

Suriyalı briqada generalı Muhammed Süleyman 1 avqust 2008-ci ildə ölkənin sahil şəhəri Tartusdakı evinin yaxınlığında sui-qəsd nəticəsində həyatını itirmişdi. O, Suriyanın nüvə proqramı ilə bağlı layihələrə rəhbərlik etdiyi üçün İsrail kəşfiyyatının ən çox diqqət yetirdiyi şəxslərdən biri idi.

İlk rəsmi etiraf

Sui-qəsd arxasında İsrailin olduğuna dair iddialar bundan əvvəl müxtəlif mənbələr tərəfindən irəli sürülsə də, bu iddia heç vaxt rəsmi şəkildə və ictimaiyyətə açıq təsdiqlənməmişdi. Olmertin bu etirafı, İsrailin xaricdə həyata keçirdiyi gizli əməliyyatlarla bağlı ən yüksək səviyyəli rəsmi açıqlamalardan biri kimi qiymətləndirilir.

Olmert, xatirələrində həmin dövrdə Suriyanın nüvə potensialının İsrail üçün "ekzistensial təhlükə" olduğunu və bu səbəbdən belə bir addım atıldığını bildirib.