Fransada sifarişli qətl xidməti yaradılıb

Fransada yeniyetmələr arasında populyarlaşan UberKills adlı sifarişli qətllər xidməti yaradılıb. Bu barədə Fransanın “Le Monde” qəzeti məlumat yayıb.

Məlumata görə, xidmət Telegram messencerinin bazasında fəaliyyət göstərir. Müştəri onun vasitəsilə menecerlə əlaqə saxlayır, o, sonradan icraçıya lazımi məlumatları və silahları verir. Eyni zamanda, sifariş üçün ödəniş bir neçə min avro təşkil edir. Çox vaxt podratçılar əvvəllər narkotik alveri ilə məşğul olmuş yetkinlik yaşına çatmayanlar olur.

Le Monde qeyd edib ki, hər şey fəaliyyətini qida məhsulları çatdıran xidmət kimi maskalamış UberShit narkotik kuryer şəbəkəsi ilə başlayıb. Bu, pandemiya zamanı, üz-üzə görüşlərin qeyri-mümkün olduğu zaman ortaya çıxıb. Şəbəkə ilə bütün əlaqələr Snapchat və qapalı Telegram çatları vasitəsilə həyata keçirilib.

Tural