Ağ Ev: Tramp Alyaskadakı görüşü Ukrayna məsələsinə həsr etmək istəyir

ABŞ Prezidenti Donald Tramp Rusiya və Birləşmiş Ştatlar arasında münasibətlərin yaxşılaşdırılması məsələsini müzakirə etməkdə maraqlı olsa da, Rusiya Prezidenti Vladimir Putinlə Alyaskada keçirilməsi planlaşdırılan görüşü əsasən Ukraynada münaqişənin sülh yolu ilə həllinə həsr etməyi planlaşdırır.

News365.az xəbər verir ki, bu barədə Ağ Evin mətbuat katibi Kerolayn Livitt brifinqdə bildirib.

“Bu kimi mövzuların müzakirəsi prezident üçün maraqlıdır, lakin hazırda onun əsas prioriteti Ukraynada müharibənin dayandırılmasıdır”, – deyə o vurğulayıb.