Slovakiya XİN: Rusiya-ABŞ danışıqları Ukrayna ilə bağlı nizamlanmaya töhfə verəcək

Alyaskada keçiriləcək Rusiya və ABŞ prezidentlərinin görüşü Ukraynadakı münaqişənin nizamlanmasına töhfə verəcək.

News365.az xəbər verir ki, bunu Slovakiyanın Xarici və Avropa İşləri naziri Yuray Blanar bildirib.

“Slovakiya olaraq Ukraynada ədalətli və uzunmüddətli sülhün əldə olunmasına yönəlmiş bütün təşəbbüsləri dəstəkləyirik. Bütün maraqlı tərəfləri münaqişəyə son qoymağa imkan verəcək ümumi həll yollarının tapılması üçün konstruktiv danışıqlara çağırırıq. İnanırıq ki, Alyaskada keçiriləcək sammit pozitiv inkişaflara səbəb olacaq”, – deyə nazir vurğulayıb.