Əhvazdakı neft müəssisəsinə zərbə endirildi

İranın neft və qaz sənayesinin əsas mərkəzlərindən biri hesab olunan Əhvaz şəhərində yerləşən iri neft-kimya sənaye müəssisəsinə zərbə endirilib.

News365.az xəbər verir ki, bu barədə İran mediası məlumat yayıb.

Məlumata görə, hücuma məruz qalan müəssisə ölkənin daxili bazarı üçün zəruri olan benzin və digər neft məhsullarının təxminən 70 faizini təmin edir.

Bildirilib ki, zərbə nəticəsində kompleks ərazisində ardıcıl partlayışlar baş verib və ərazi qalın tüstü ilə örtülüb.