Bu rayonda 12500 abonent qazsız qaldı

Şəkinin bəzi ərazilərində qazın verilməsində fasilələr yaranıb. 

News365.az xəbər verir ki, bu barədə Zaqatala Regional Qaz İstismarı İdarəsi məlumat yayıb.

Bildirilib ki, Zaqatala RQİİ-nin Şəki xidmət sahəsində Şəki rayonu ərazisində M.Ə.Rəsulzadə pr-da Avtoyolservis MMC-nin işçiləri tərəfindən təmir-tikinti işləri aparılarkən PE-110 mm-lik orta təzyiqli qaz xəttinin zədələnməsi ilə əlaqədar olaraq 05.03.2026-cı il tarixdə saat 17:10-dan etibarən Şəki şəhər ərazisinin bir hissəsində cəmi 12500 abonentin qaz təchizatı daxildən dayandırılıb.

Təmir işləri aparıldıqdan sonra qazın verilməsi bərpa olunacaqdır.