Bakı–Quba yolunda ağır qəza baş verib
Hadisə
05 Apr 2025 13:35
Bakı–Quba–Rusiya ödənişli avtomobil yolunun Xaçmaz rayonu, Qımıl-Qışlaq kəndi ərazisindən keçən hissəsində ağır yol-nəqliyyat hadisəsi qeydə alınıb.
News365.az xəbər verir ki, “Mercedes” markalı minik avtomobili idarəetməni itirərək yol kənarındakı dərəyə aşıb. Nəticədə sürücü və sərnişin avtomobildə köməksiz vəziyyətdə qalıb.
Fövqəladə Hallar Nazirliyinin xilasediciləri hadisə yerinə cəlb olunaraq sürücü İlham Ələsgərov və sərnişin Bəhruz Şirinovu dərədən çıxarıb və onları təcili tibbi yardım briqadasına təhvil veriblər.
Hadisə ilə bağlı araşdırma aparılır.
