Almaniya 35 milyard avroluq kosmik müdafiə strategiyasını təsdiqlədi

Almaniya ilk milli kosmik strategiyasını qəbul edərək 2030-cu ilədək hərbi kosmik imkanlara 35 milyard avro ayırmağı planlaşdırır.

News365.az xəbər verir ki, bu addımla Berlin ABŞ və Çindən sonra dünyanın üçüncü ən böyük kosmik müdafiə büdcəsinə sahib ölkə olacaq. 

Məlumata görə, yeni strategiya Rusiya və Çinin yaratdığı təhdidlərə qarşı müdafiəni gücləndirməyi, müşahidə və kəşfiyyat sistemlərini təkmilləşdirməyi, peyklərin davamlılığını artırmağı və “jamming” texnologiyaları ilə inspektor peyklər kimi çəkindirici vasitələr inkişaf etdirməyi hədəfləyir.