Ağrıkəsicilərlə bağlı dəhşətli statistika

Ağrı sindromu həyat keyfiyyətini əhəmiyyətli dərəcədə azaldan ən aktual tibbi problemlərdən biri olaraq qalır. "NIJFARM" şirkətlər qrupu tərəfindən aparılan araşdırma ortaya bu mövzuda diqqət çəkən nəticə qoyub. "Rusların sağlamlığına münasibətinin barometri" adlı araşdırma göstərib ki, rusların demək olar ki, üçdə biri (31%) ayda ən azı bir dəfə ağrıkəsici qəbul edir.

Digər 20% ağrıkəsiciləri həftəlik, 4% isə gündəlik qəbul edir. Ayda bir dəfədən az ağrıkəsici qəbul edənlər arasında kişilərin nisbəti daha yüksəkdir (qadınların 36%-nə qarşı 49%). Həftəliyə gəldikdə isə qadınlar bunu daha tez-tez edirlər: həftəlik (kişilərin 17%-nə qarşı 23%).

Araşdırma həmçinin göstərib ki, ağrıkəsiciyə əl atmağın ən çox yayılmış səbəbləri baş ağrısı (63%), diş ağrısı (54%), bel ağrısı (30%) və oynaq ağrılarıdır (25%). Baş ağrısı (kişilərin 55%-nə qarşı 71%), diş ağrısı (kişilərin 51%-nə qarşı 57%) və oynaq ağrıları (kişilərin 23%-nə qarşı 28%) vəziyyətlərində ağrıkəsicilərdən istifadə edənlər arasında qadınların nisbəti daha yüksəkdir. Bel və oynaq ağrıları (hər biri 40%) və əzələ ağrıları (27%) üçün ağrıkəsici qəbul edənlər arasında 55 yaşdan yuxarı respondentlərin nisbəti daha yüksəkdir.

Tural