79 yaşlı QHT sədri faciəli şəkildə öldü - Foto
Masallı rayonunda ölümlə nəticələnən yol qəzası baş verib.
News365.az Unikal.az-a xəbər verir ki, Masallı Ziyalıları İctimai Birliyinin sədri 79 yaşlı Qardaş Fətullayev avtomobil qəzasına düşüb.
Hadisədən sonra xəstəxanaya çatdırılsada, həkimlərin göstərdiyi bütün səylərə baxmayaraq onun həyatını xilas etmək mümkün olmayıb.
Qeyd edək ki, mərhum Azərbaycan Dövlət Pedaqoji Universitetində ali təhsil aldıqdan sonra müəllim kimi fəaliyyətə başlamış, Masallı Rayon Komsomol Komitəsinin birinci katibi vəzifəsinə təyin edilmişdir. 9 il bu vəzifədə işləyib. Daha sonra 14 il ərzində Masallı Rayon XDS-də sədr müavini, Məişət Xidməti Kombinatının rəisi, yerli istehsal Kombinatının direktoru vəzifələrində çalışıb. Hazırda Masallı ziyalıları İB-nin sədri, YAP Masallı Rayon Təşkilatının, rayon Ağsaqqalar şurasının, rayon təhsil işçiləri həmkarlar komitəsinin Şura üzvü idi.
