Türkiyədə qəzaya uğrayan təyyarədə pilot ölüb

Türkiyənin Ərzurum və Rize şəhərləri arasındakı ərazidə yüngül mühərrikli təyyarə qəzasında pilot Mehmet Demirci həlak olub.

News365.az "TRT Haber"ə istinadən xəbər verir ki, xilasedicilər itkin hesab olunan iki nəfəri tapıblar.

Rize valisi İhsan Selim Baydaşın sözlərinə görə, pilot ölüb, sərnişin isə sağ qalıb.

O qeyd edib ki, qəza yerli vaxtla dünən saat 18:18 radələrində olsa da, təyyarə səhər saat 06:24 radələrində tapılıb.