Rusiya da ABŞ kimi miqrantlara qarşı genişmiqyaslı reydlər keçirir? - VİDEO
Sankt-Peterburqda tikinti obyektlərində keçirilən reydlərdən sonra 100-dən çox əcnəbi qayda pozucusu polis bölmələrinə aparılıb. Bu barədə Rusiya Daxili İşlər Nazirliyinin region üzrə Baş İdarəsi məlumat yayıb.
Qeyd edilib ki, hüquq-mühafizə orqanlarının əməkdaşları immiqrasiya qanunlarını pozan şəxslərin müəyyən edilməsi məqsədilə profilaktik reyd keçirib. Hüquq-mühafizə orqanlarının əməkdaşları Moskva və Kolpino rayonlarında əcnəbilərin cəmləşdiyi yerləri və magistral yolları yoxlayıblar. Təhlükəsizlik qüvvələri Pulkovo şossesində iki böyük tikinti sahəsinə, həmçinin Petro-Slavyankanın Sofiyskaya küçəsindəki tərəvəz anbarlarına baş çəkiblər.
"Hüquq-mühafizə orqanlarının əməkdaşları 500-ə yaxın əcnəbini müəyyən ediblər, onlardan 100-dən çoxunun immiqrasiya qanunlarını pozduğu müəyyən edilib. Onlar polis bölmələrinə aparılaraq inzibati məsuliyyətə cəlb ediliblər",- məlumatda qeyd edilib.
Tural