Rusiya-ABŞ-Ukrayna danışıqlarının vaxtı açıqlandı

ABŞ, Rusiya və Ukrayna gələn həftə Mayami və ya Əbu-Dabidə üçtərəfli danışıqları bərpa etməyi planlaşdırırlar.

News365.az xəbər verir ki, bu barədə Politico diplomatik müzakirələrlə tanış olan mənbəyə istinadən məlumat yayıb.

Nəşrin həmsöhbətinin sözlərinə görə, ABŞ-ın rəsmi nümayəndələri təklif olunan görüşdə böyük ehtimalla "müəyyən irəliləyiş əldə ediləcəyinə" inanırlar. Mənbə əlavə edib ki, ərazi məsələsi tərəflər arasında "əsas münaqişə nöqtəsi" olaraq qalır.

ABŞ, Rusiya və Ukrayna arasında üçtərəfli danışıqlar 23-24 yanvar və 4-5 fevral tarixlərində Əbu-Dabidə baş tutub. İkinci raunddan sonra tərəflər Rusiya və Ukrayna arasında 314 hərbi əsir mübadiləsi barədə razılığa gəliblər.