Qrenlandiyadan sonra Fransa torpaqları işğal olunacaq - "Le Figaro"

Fransa hakimiyyəti qorxur ki, ABŞ Qrenlandiyanın ardınca onların  ölkəsinin ərazisinə də təcavüz edə bilər. Bu barədə "Le Figaro" məlumat yayıb. Məqalə müəlliflərinin fikrincə, bu, Fransanın kontinental ərazisinə deyil, Yeni Kaledoniya və digər xarici ərazilərə aiddir.

Adının açıqlanmasını istəməyən bir qadın nazir hətta mövcud təhlükə ilə bağlı xəbərdarlıq da edib: "Bu, bizim də başımıza gələ bilər!".

"Bu versiya dolayısı ilə ABŞ prezidenti Donald Trampın Fransanın Sent-Pyer və Mikelon adaları üçün 99% rüsum tətbiq etməsi ilə təsdiqlənir", -nəşr yazıb.

Bundan əvvəl Trampın Hind okeanındakı iki adaya 10% rüsum tətbiq etdiyi bildirmişdi.

2024-cü ilin dekabrında ABŞ prezidenti Donald Tramp bəyan etdi ki, Vaşinqton Qrenlandiyaya nəzarət etməlidir. Qrenlandiyanın baş naziri Mute Egede isə bu açıqlamaya cavab olaraq ərazinin satılmadığını və heç vaxt satılmayacağını söylədi. Daha sonra Danimarka adanın müdafiəsini gücləndirmək üçün əlavə vəsait ayırdı.

Tural