Qəzaya uğrayan təyyarədə konki sürənlər və məşqçilər də olub

Erməni əsilli idman agenti Ari Zakaryan Rusiya mediasına açıqlamasında deyib ki, Vaşinqton səmasında qəzaya uğrayan təyyarədə fiqurlu konkisürənlər və keçmiş rusiyalı məşqçilər də olub.

Eyni zamanda media Vaşinqtonda qəzaya uğrayan təyyarənin göyərtəsində Rusiya millisinin tərkibində fiqurlu konkisürmə üzrə cütlük üzrə dünya çempionları Şişkova və Naumovun olduğu barədə məlumat yayıb.

ABŞ səlahiyyətlilərinə görə, təyyarə qəzasında heç kim sağ qalmayıb.

Təyyarə cümə axşamı gecə paytaxtın Reyqan Beynəlxalq Hava Limanı yaxınlığında qəzaya uğrayıb. Yanvarın 21-dən 26-dək ABŞ-ın Kanzas ştatının Viçita şəhərində fiqurlu konkisürmə üzrə ABŞ çempionatı keçirilib.

KİV-in məlumatına görə, təyyarə hərbi helikopterlə toqquşması nəticəsində iki hissəyə bölünüb və onun dağıntıları su ərazisinə səpələnib. Ən azı 19 cəsəd çaydan çıxarılıb.

Tural