Paşinyanın diskotekasina xərclənən pul açıqlanıb

Paşinyanın qrupunun diskotekasına nə qədər pulun xərcləndiyi  məlum olub.  “Joghovurd” qəzetinin məlumatına görə, bu yaxınlarda nağara çalmağa başlayan və öz qrupunu yaradan Ermənistanın baş naziri Nikol Paşinyanın iştirak etdiyi diskoteka hakim Vətəndaş Müqaviləsi Partiyasına  baha başa gəlib. Dövlət Dumasının İdarə Heyətinin sədr müavini Vahaqn Aleksanyan nəşrə bildirib ki, Varçabandın çıxışı 30 yanvarda Palladium Hall restoranında baş tutub və partiya büdcəsinə 8,5 milyon dram (təxminən 22.300 dollar) başa gəlib. Bu məbləğin 2,5 milyon dramı zalın icarəsinə, 4,9 milyon dram brendinq, dizayn və atributların alınmasına, 1,1 milyon dram isə aranjimanlara, musiqiçilərə və DJ-ə ödənişlərə xərclənib.

Nəşr həmçinin yazır ki, Palladium Hall iştirakçılara əhəmiyyətli endirimlər təklif edib, çünki adambaşına qiymət (500 nəfərlik zal üçün) 27.000 dram (69 dollar) təşkil edib. Qəzetin hesablamalarına görə, təkcə zalın saxlanması təxminən 13,5 milyon dram (34.000 dollar) başa gələcəkdi.

Paşinyan əvvəllər baraban çalmağı öyrənmək üçün bir neçə ay sərf etdiyini və öz qrupu olan "Varçaband"ı yaratdığını bildirmişdi  Ermənistan İctimai Televiziyasına verdiyi müsahibədə o, baraban çalmağı onlayn öyrəndiyini və kurs üçün cəmi 250 dollar ödədiyini bildirib.