Məşhur müğənni Metin Şentürkün uzun müddətdir xərçənglə mübarizə aparan qardaşı Bayram Şentürk vəfat edib.
News365.az xəbər verir ki, Metin Şentürk bu acı xəbəri sosial media hesabında paylaşaraq izləyicilərindən dualarını istədiyini bildirib.
Müğənni daha əvvəl Instagram-da paylaşdığı videoda qardaşı ilə 11 ay boyunca xərçəng xəstəliyi ilə mübarizə apardıqlarını qeyd etmişdi:
“Həyat bəzən hər birimizi fərqli ağrılarla sınayır. Qardaşımın bu ağrılardan duaların gücü ilə xilas olacağına inanıram. Hamınızdan onun üçün dua etməyinizi istəyirəm”.
Metin Şentürk bildirib ki, ailələrinin əziz üzvü Bayram Şentürk 11 aylıq mübarizədən sonra Rəbbin rəhmətinə qovuşub və onun son mənzilə yola salınma mərasimi 23 avqustda İstanbulda keçiriləcək.
News365.az
