Kürd silahlıları Hələbdə Suriya hökumət qüvvələrinə hücum edib

Hələbin şimalında kürdlərlə Suriya keçid hökumətinin qüvvələri arasında toqquşmalar baş verib və yaşayış məntəqələrinin atəşə tutulması nəticəsində on nəfər yaralanıb.

News365.az xəbər verir ki, bu barədə “Ikhbariya” telekanalı məlumat yayıb. 

Kanalın məlumatına görə, şiddətli atışmalar şəhərin şimal hissəsindəki Əşrəfiyyə və Şeyx Məqsud məhəllələrinin kənarındakı təmas xəttinə yaxın ərazilərdən sakinlərin evakuasiya olunmasına səbəb olub.

Daxili İşlər Nazirliyinin yaydığı məlumata görə kürd silahlıları atəşkəsi pozaraq Liramun və Şeyxin bölgələri yaxınlığındakı hökumət mövqelərinə hücum ediblər. 

Hadisə nəticəsində iki təhlükəsizlik işçisi və üç mülki müdafiə qüvvələri əməkdaşı xəsarət alaraq xəstəxanaya aparılıb.