İran XİN Xameneinin öldürülməsi ilə bağlı bəyanat yaydı

İran Xarici İşlər Nazirliyi (XİN) ali lider Əli Xameneinin öldürülməsini beynəlxalq hüququn bütün normalarının və BMT Nizamnaməsinin misli görünməmiş şəkildə pozulması adlandırıb.

Bu barədə İran XİN bəyanat yayıb.
 

MÖVZU İLƏ BAĞLI:

İran Dövlət Televiziyası Xameneinin öldürüldüyünü təsdiqlədi - VİDEO

"ABŞ və İsrailin İranın böyük liderinin və ölkənin digər yüksəkvəzifəli məmurlarının ərazi bütövlüyü və milli suverenliyə qarşı hərbi təcavüz formasında öldürülməsi ilə ifadə olunan terror aktı bəşər cəmiyyəti tərəfindən qəbul edilmiş bütün prinsiplərin, normativ əsasların və mənəvi normaların görünməmiş şəkildə pozulması, habelə BMT Nizamnaməsinin və beynəlxalq hüququn əsas normalarının ən kobud şəkildə tapdalanmasıdır", - deyə XİN bəyan edib.