İlin son iki oyunu: "Qarabağ" "Araz-Naxçıvan"ı, "Şamaxı" "Sabah"ı qəbul edəcək

Bu gün futbol üzrə Misli Premyer Liqasında 2024-cü ilin sonuncu oyunları keçiriləcək.

 XVIII tura iki qarşılaşma ilə yekun vurulacaq.

İlk olaraq "Şamaxı" "Sabah"ı qəbul edəcək. Bölgə təmsilçisi 14 xalla 8-ci, qonaqlar 26 xalla 5-ci pillədə qərarlaşıb.

Tura "Qarabağ" - "Araz-Naxçıvan" görüşü ilə yekun vurulacaq. Lider "Qarabağ"ın 44, ikinci sıradakı Naxçıvan klubunun 39 xalı var.

Qeyd edək ki, XVIII turun əvvəlki matçlarında "Zirə" səfərdə "Səbail"i məğlub edib - 1:0. "Turan Tovuz" - "Neftçi" oyununda qalib müəyyənləşməyib - 1:1. "Kəpəz" - "Sumqayıt" qarşılaşmasında isə qapılara qol vurulmayıb.