Dörd övladımdan yalnız biri işləyir– Tahir Kərimlidən ŞOK AÇIQLAMALAR

"Dörd övladımdan ancaq biri işləyir."

News365.az xəbər verir ki bu sözləri açıqlamasında Milli Məclisin sabiq deputatı, "Vəhdət" partiyasının sədri Tahir Kərimli deyib. O, şəxsi həyatına, ailə məsələlərinə və ölkə siyasətinə dair bir çox mühüm açıqlamalar verib.

 Onun sözlərinə görə, bayram əhval-ruhiyyəsi artıq bütün ölkə üzrə hiss olunmaqdadır, lakin sosial problemlər hələ də böyük çətinliklər yaradır. Müsahibə zamanı təhsildən işsizlik məsələlərinə qədər bir çox mövzuya toxunulub.

Müsahibə zamanı Tahir Kərimli, dolanışığı ilə bağlı açıqlamalar verərək, partiyanın maddi vəziyyəti və sosial yardım məsələlərindən də söz açıb. O, şəxsi vəziyyəti ilə bağlı bəzi detallar paylaşaraq, əvvəlki dövrlərdə aldığı partiya yardımını və hazırda yaranan çətinlikləri izah edib.

"Pensiya alıram, amma vəziyyət çətinləşib. Bizim ailəmizdəki bir çox üzv işsizdir. Nəvələrim var, onların təhsilinə dəstək olmağa çalışıram. Amma bu gün partiyamız üçün də, özüm üçün də maddi çətinliklər mövcuddur. Əvvəllər partiya yardım alırdı, amma parlamentdə təmsil olunmadığımız dövrdə bu yardımlar dayandırıldı," – deyə Tahir Kərimli vurğulayıb.

O, həmçinin əlavə edib ki, bu günlərdə partiyanın maliyyələşmə məsələsi öz səylərinə və dəstəkçilərinə əsaslanır:

"İndi partiya müstəqil fəaliyyət göstərir və maliyyələşmə məsələsi bizdən asılıdır. Həmin dövrdə dövlət yardımı gəlirdi, amma artıq yardımlar kəsilib," – deyə o qeyd edib.

Tahir Kərimli ailəsindəki vəziyyəti açıqlayarkən, uşaqlarının işsizlikdən əziyyət çəkdiyini də dilə gətirib:

"Kürəkənim və uşaqlarım təhsil alıblar, amma iş tapmaqlarında çətinliklərlə qarşılaşırlar. Mənim kürəkənim, oğullarım ali təhsillidir amma kürəkənim indi sürücülük edir. İqtisadçı ixtisasına malikdir, amma o da iş tapmağa çətinlik çəkir." – deyə Tahir Kərimli əlavə edib.

Sabiq deputat, daha sonra əlavə edib ki, qızının təhsili və ingilis dili üzrə biliyi var və hazırda dərs deyir.

"Bütün bu çətinliklərə baxmayaraq, biz ailə olaraq bir-birimizə dəstək olmağa çalışırıq. Mən yalan deməyəcəm. Heçkimə ağız açmaram, sadəcə bu haqda eşitdirmişəm. Şəhid bacım balası var onun qardaşları niyə işsiz olsun axı? Təəssüf ki, çox şeyi istedad yox, tanışlıq həll edir." – deyə o əlavə edib.

Tahir Kərimli gənclərin təhsili ilə bağlı vəziyyətin yaxşı olduğunu, lakin işsizlik səbəbindən gənclərin gələcək perspektivlərinin getdikcə daraldığını qeyd edib.

"Bəzi uşaqlarımız artıq təhsil alıblar, amma iş tapmaqda çox çətinlik çəkirlər. Bu, bir çox ailə üçün böyük çətinliklər yaradır. Bizim üçün ən vacib məsələlərdən biri gənclərin iş tapmasının təmin olunmasıdır," – deyə sabiq deputat bildirib.