Əsrlərdir əyilən, amma yıxılmayan möcüzə: Piza qülləsi necə ayaqda qalır?

İtaliyanın Toskana bölgəsindəki tarixi Piza şəhərinin vizit kartı sayılan Piza qülləsi əsrlərdir davam edən maili duruşuna baxmayaraq, hələ də möhkəm ayaqda durur. Dünyanın dörd bir yanından gələn turistləri və alimləri düşündürən əsas sual isə eynidir: Bu nəhəng tikili niyə aşıb-dağılmır?

Tikintisinə 1173-cü ildə başlanılan qüllənin əyilməsinə səbəb bünövrənin oturdulduğu torpağın zəifliyidir. Bünövrənin altındakı gil, qum və lildən ibarət yumşaq qat tikilinin ağırlığını çəkə bilmədiyi üçün qüllə hələ inşaat prosesində ikən yana əyilməyə başlayıb.

Uzun əsrlər boyu bu meyil getdikcə artsa da, 1990-cı illərdə həyata keçirilən irimiqyaslı mühəndislik layihəsi fəlakətin qarşısını alıb. Mütəxəssislər qüllənin altındakı torpağı xüsusi texnika ilə nəzarətli şəkildə çıxararaq bünövrəni bərkitmiş və əyilmə bucağını təhlükəsiz həddə gətirmişlər.

Aparılan bərpa işləri zamanı abidəni tamamilə düzəltmək planlaşdırılmayıb. Qülləyə qlobal şöhrət qazandıran məhz onun maili forması olduğu üçün bu görünüş qorunub saxlanılıb, eyni zamanda gələcək risqlər sıfıra endirilib.

Hazırda təxminən 4 dərəcəlik meyil bucağı ilə duran Piza qülləsi hər il milyonlarla səyahətçini qəbul edir və İtaliyanın en çox ziyarət edilən memarlıq incilərindən biri olmaqda davam edir.