Erməni jurnalist xalqın "sınmasından" gileyləndi

Ermənistanın kürd əsilli araşdırmaçı jurnalisti Boris Murazi diqqət çəkən məlumat yayıb. O, özünün Facebook səhifəsində avtobus fotosu yerləşdirərək yazıb: "Bu, bizim kənddən-Ararat rayonunun Jraşen kəndindən bir ay əvvələ qədər İrəvana və geriyə gündə yeddi dəfə gedən avtobus idi. Bir ay əvvəl hakim partiyanın məmurları bu nəqliyyat basitəsini xətdən çıxarmaq qərarına gəldilər. İndi onun yerində heç bir avtobus fəaliyyət göstərmir. İnsanlar İrəvana necə gedəcəklərini bilmirlər amma etiraz da etmirlər".

O, həmçinin xalqın sınaraq susqun halda proseslərə reaksiya verməsindən də gileylənib: "Üstəlik, bir neçə həftə əvvəl jurnalistlər bölgəyə gələn zaman yerli əhalinin bir qismi nəqliyyat vasitəsinin xətdən çıxarılması qərarından məmnun olduqlarını bildirirdilər. Doğrudan da insanlar həmişə öz hökmdarlarına layiqdirlər".

Tural