“Discord” yaş məhdudiyyəti tətbiq edəcək

 “Discord” teziklə bütün istifadəçilərinin yaşlarının müəyyən edilməsi prosesinə başlayacaq.

News365.az xarici KİV-ə istinadən xəbər verir ki, 200 milyon istifadəçisi olan onlayn söhbət xitdməti bunun üçün üz tanıma texnalogiyasından istifadə və yaxud şəxsiyyət vəsiqəsinin məlumatlarının daxil edilməsini tələb edəcək. Bu addımın atılmasında əsas məqsəd uşaqların yetişkinlər üçün olan kontentlərə daxil ola bilməsinin qarşısının alınmasıdır. Proses mart ayının əvvəllərindən etibarən başlayacaq.

Qeyd edək ki,  “Discord” artıq Böyük Britaniya və Avstraliyada yetişkinlərə uyğun məzmunla bağlı yaradılmış qruplara girişə yaş məhdudiyyəti tətbiq edir.