“Çek çap edib satırdılar” – Nazirliyə qarşı fırıldaq

Bu gün Bakı Ağır Cinayətlər Məhkəməsində hakim Səbuhi Hüseynovun sədrliyi ilə Maliyyə Nazirliyinə qarşı dələduzluq etməkdə təqsirləndirilən Əzimov Elnur, Adgözəlov Emin və Qarayev Nazimin cinayət işi üzrə məhkəmə prosesi keçirilib.

Proses təqsirləndirilən şəxs Elnur Əzimovun ifadəsi ilə davam edib:

"Günel adlı xanımla şəxsi münasibətim var idi. O, Şamil Kamil oğlu ilə əlbir olaraq çek çap edib satırdılar. Mən bu işlərlə heç bir əlaqəm yoxdur. Mənimlə bir yerdə təqsirləndirilən şəxslərin heç birini tanımıram. İstintaqda verdiyim ifadə və atılan imza da mənim deyil".

Növbəti məhkəmə iclası aprelin 28-nə təyin edilib.

Xatırladaq ki, Nazim Qarayev, Emin Adıgözlov və Elnur Əzimov Cinayət Məcəlləsinin 178.4-cü (Dələduzluq - xüsusilə külli miqdarda ziyan vurmaqla törədildikdə) 193.1.3.2 (Cinayət yolu ilə əldə edilmiş əmlakı leqallaşdırma - xeyli miqdarda törədildikdə) maddələri ilə təqsirləndirilirlər.

Maliyyə Nazirliyi iş üzrə zərərçəkmiş qismində tanınıb.