BMT-də Trampın qələbəsi ilə bağlı "həyəcan" hissi yaşanır - "Reuters"

Birləşmiş Millətlər Təşkilatında Donald Trampın ABŞ prezident seçkilərində qələbəsi ilə bağlı "dejavu və müəyyən narahatlıq" hissi yaşanır. Bu barədə Asiyadan olan yüksək vəzifəli diplomat Reuters-ə bildirib.

Xüsusilə, BMT Trampın qayıdışına və Amerikanın maliyyələşdirməni azaltması, eləcə də böyük ehtimalla onun ikinci prezidentlik dövründə baş verəcək dünya təşkilatları ilə qarşılıqlı gərgin fəaliyyətə hazırlaşır.

"Tramp administrasiyasının bəzi hallarda maliyyədən imtina etməli olsa belə, müəyyən sahələrdə BMT ilə əməkdaşlıq edəcəyinə də müəyyən ümidlər var. Axı Birləşmiş Millətlər Təşkilatından daha böyük və daha yaxşı qlobal səhnə nədir?", - adının açıqlanmasını istəməyən diplomat bildirib.

Reuters xatırladıb ki, Tramp ikinci prezidentlik müddətində xarici siyasətlə bağlı bir neçə konkret məlumat da açıqlayıb. Lakin onun tərəfdarları siyasətçinin şəxsiyyətinin qüdrətinə və “güc vasitəsilə sülh” yanaşmasına inanırlar ki, bununla da xarici liderləri öz iradəsinə tabe edə bilər. Xüsusilə, o, Ukraynada müharibəyə son qoyacağını və Qəzzada, Livanın cənubunda Həmas və Hizbullahla münaqişələrdə İsrailə dəstək verəcəyini vəd edib.

Tural