Akkuyu Atom Elektrik Stansiyası bu tarixdə tam istismara veriləcək

Türkiyənin energetika nazirinin müavini Zafed Dəmircan Moskvada keçirilən Dünya Atom Həftəsinin açılışında deyib ki, Türkiyədə Akkuyu Atom Elektrik Stansiyasının tikintisi uğurla gedir və qurğu 2028-ci ilə qədər tam istifadəyə veriləcək:

“Hazırda Akkuyu Atom Elektrik Stansiyasının tikintisi tam sürətlə davam edir... Birinci blokun gələn il işə salınması planlaşdırılır və 2028-ci ilə qədər dörd tam işlək reaktor işə düşməlidir”.

Qeyd edək ki, bundan əvvəl “Akkuyu Nüvə” şirkətinin baş direktoru Sergey Butskix bildirmişdi ki, rusiyalı mütəxəssislər stansiyanın ilk reaktorunun tikintisini başa çatdırıblar. Butskix hesab edir ki, obyekt tezliklə istifadəyə verilməlidir.

News365.az