Afaq Bəşirqızı: “Həyatda ikinci qadın olmaq ən böyük faciədir”

“Cəmiyyətimizin ən böyük problemlərindən biri oğlan uşaqlarının 20 yaş kimi erkən yaşlarda evləndirilməsidir”.

News365.az xəbər verir ki, bu sözləri Xalq artisti Afaq Bəşirqızı deyib. Sənətkar Azərbaycanda ailə institunun zədələnməsindən ətraflı danışıb:

“Bu gün cəmiyyətmizin ən boyük problemlərindən biri evliliyə hazır olmayan oğlan uşaqlarının erkən yaşlarda evləndirilməsidir. Çox vaxt onlar öz ailələrinə sahib çıxa bilmirlər. Sonra da evləndikləri qız hansısa verilişə çıxıb şikayət edir ki, 4 uşağım var həyat yoldaşım məni atıb gedib. İstəyirəm uşaqları verəm uşaq evinə. Sual verilir ki, yoldaşın işləyirdi, savadı var idi, evi var idi, kəbin, zaks var idi? Bütün bu sualların cavabı yox olur.

Burda qız valideynlərinin də səhvi var. Onlar da bəzən qarşı tərəfi yaxşı araşdırmadan qızı ərə verirlər. Bu qız evəndirmək deyil, onu başdan eləməkdir. Gedib hansısa adamın qapısını döyüb desən ki, qızınızla işim var. Səni vurub öldürərlər. Amma qızı savadı, işi olmayan birinə rahatlıqla ərə verirlər.  Düzdür oğul var ki, savadı olmasa da fəhləliklə işləyib ailəsini dolandırır. Bu hər kəsin edə biləcəyi iş deyil, heç hər gün pul qazanılası iş də deyil. Qısası bu da bir gün-güzəran deyil.

İnsan gərək vaxtında özünə gün ağlasın. İnasan sabahını görməlidir, böyüklərinin sözünə qulaq asmalıdır ki, bir vaxt çatanda çarəsiz qalmasın. Həyat dərsi almamış hələ yetişməmiş biri 20 yaşına çatandan kimi evlənmək istəyir. Nə evi var, nə sənəti. Evdəkilər də deyir əsas odur evlən sonrası düzələcək. Ona bir qız da tapıb evləndirirlər. Qızı verən də baxmır kimə verdi qıznı. Belə olmaz bu laqeydlikdir. Belə evliklərin sonunda çox vaxt oğlan ailəsini atıb gedir. Onun həyat yoldaşı olmalı qadın həyatında ikinci plana keçir. Həyatda ikinci qadın olmaq ən böyük faciədir.