ABŞ-də anomal istilər 21 ştatda təxminən 150 milyon insana ciddi təsir edir. Sinoptiklər xəbərdarlıq edirlər ki, ölümcül yüksək temperatur iyulun 4-dən sonra da bir çox yerlərdə davam edə bilər.
News365.az xəbər verir ki, bu barədə "Axios" məlumat yayıb.
"4 iyul bayramından sonra da istilərin rekord həddə çatacağı və 15 böyük yanğının baş verdiyi ABŞ-nin qərb bölgələrində rekord temperaturun iki həftə ərzində qalacağı gözlənilir", - nəşr yazıb.
Məqalədə o da vurğulanıb ki, "Milli Hava Xidməti Kaliforniyanı bürüyən anomal istilərin Qərb sahilərində daha da surətlə yayılacağını proqnozlaşdırıb. O da mümkündür ki, Yer kürəsində indiyə qədər ən yüksək temperaturun qeydə alındığı Kaliforniyadakı Ölüm Vadisi 54,4 dərəcə Selsidən yuxarı rekordunu yenidən qırsın".
Meteoroloqlar xəbərdarlıq ediblər ki, ən azı bir həftə davam edəcək rekord istilər səbəbindən nəinki insanlar, ev heyvanları, mal-qara və infrastruktur da risk altında olacaq.
Tural
News365.az