Rusiyada miqrantlar üçün iş icazəsinin rüsumu qaldırılır

Moskva Şəhər Dumasının deputatları 2026-cı ildə miqrantların işləmək icazəsi üçün rüsumları 8900 rubldan 10000 rubla qədər artıracaqlar.

News365.az xəbər verir ki, bu barədə TASS məlumat yayıb. 

"2025-ci ildə Moskva əmək bazarının regional xüsusiyyətlərini əks etdirən əmsalı 2,8592, patentin dəyəri isə 8900 rubl müəyyən edilib. Miqrant işçilər tərəfindən ənənəvi olaraq tələb olunan sənaye sahələrində orta əmək haqqının artımını nəzərə alaraq, bu regional əmsalın 2,9323 səviyyəsində müəyyən edilməsi təklif olunur ki, bu da 2026-cı ildə bir patentin dəyərini 100 rubla qaldıracaq”, - vergi qanunlarına düzəlişlərla bağlı qanun layihəsində qeyd edilib.

Vurğulanır ki, sənəd paytaxtın vergi qanunvericiliyinin təkmilləşdirilməsinə və federal qanunvericiliyə uyğunlaşdırılmasına yönəlib.