Paşinyandan diqqətçəkən etiraf: Ölkə təhlükə ilə üzləşmişdi
Dünya
11:21
Ermənistanın Baş naziri Nikol Paşinyan ölkənin son illərdə üzləşdiyi təhlükəsizlik çağırışları və aparılan islahatların nəticələri barədə danışıb.
News365.az xəbər verir ki, Paşinyan parlamentdə çıxışı zamanı bildirib ki, ölkədə "kriminal-oliqarxik sistemə" qarşı həyata keçirilən dəyişikliklər müəyyən dövrlərdə Ermənistanın təhlükəsizliyi üçün əlavə risklər yaradıb.
Onun sözlərinə görə, həmin proseslər təkcə daxili deyil, həm də xarici təsirlərlə müşayiət olunub və bəzi məqamlarda ölkə ciddi təhdidlərlə üz-üzə qalıb.
Baş nazir qeyd edib ki, müəyyən mərhələlərdə yaranan vəziyyət Ermənistanın dövlətçiliyi və sabitliyi üçün təhlükə yarada biləcək səviyyəyə çatmışdı. Lakin hazırda həmin risklərin böyük hissəsi aradan qaldırılıb.
Paşinyan vurğulayıb ki, ölkə artıq daha sabit və proqnozlaşdırılan təhlükəsizlik mühitində fəaliyyət göstərir və əvvəlki dövrlərlə müqayisədə vəziyyət nəzarət altındadır.
