Küçədə gəzən gənci 30 saniyəyə səfərbər etdiər - VİDEO

Ukraynanın Odessa vilayətindəki kəndlərdən birində maraqlı hadisə baş verib. Evlərdən birinə quraşdırılmış kameraya gənc kənd sakininin 30 saniyəyəy necə səfərbərliyə alınması əks olunub.

Görüntülərdə gənc oğlanın fərdi evlərin qarşısı ilə yol boyu hərəkət etməsi görünür. Birdən bir mülki maşın onun yanında dayanır və oradan bir TÇK(Hərbi komisarlıq-re.) işçisi və bir polis düşür. Bundan sonra adamı maşına mindirib aparırlar.

Ukrayna mediası yazıb ki, "Bütün bu qəribə əməliyyat 30 saniyədən də az çəkib".

Odessa vilayətinin səfərbər edilmiş sakininin sonrakı taleyi barədə hələlik heç nə məlum deyil.

Qeyd edək ki, Rusiya ilə Ukrayna arasındakı genişmiqyaslı müharibə 2022-ci ilin fevralın 24-də başlayıb. Moskva işğal zamanı qoşunları Kiyevə qədər apara bilsə də, sonradan müharibədə üstünlük nisbətən Ukraynanın tərəfinə keçib. Ukrayna qoşunları ötən ilin iyunundan əks-hücum əməliyyatlarına başladılar. Amma bu da uğurlu olmadı. Son aylarda isə Rusiya yenidən döyüş meydanındakı vəziyyəti öz xeyrinə dəyişə bilib.