İtalyanların yarısı avtomobillərini dəyişmir - SƏBƏB

İtaliyada avtomobil qiymətlərinin artması və alıcılıq gücünün zəifləməsi səbəbindən insanlar yeni avtomobil almaqdan çəkinirlər.Sorğulara görə, italyanların yarıdan çoxu mövcud avtomobillərini daha uzun müddət istifadə etməyi planlaşdırır.

News365.az xarici mediaya istinadən xəbər verir ki, 2019–2024 arasında avtomobil qiymətləri 40–70 faiz artıb, lakin maaşlar cəmi 12 faiz yüksəlib. Bu səbəbdən ikinci əl bazara maraq kəskin artıb. Təkcə iyul ayında hər 100 yeni avtomobilə qarşı 226 ikinci əl avtomobil satılıb.

Əhali əsasən qiymətə, yanacaq sərfiyyatına və istismar xərclərinə diqqət edir. Çin markalarına maraq artsa da, hələ tam güvən yaranmayıb.