İlham İsmayıl: “Molla rejimi bombardımanla devrilməyəcək”

Quru qoşunları iştirak etmədən İrandakı rejimi devirmək mümkün deyil. Bu cür rejimlər sadəcə olaraq raket zərbələri ilə  devirlmir.

Bunu News365.az-a açıqlamasında təhlükəsizlik üzrə ekspert İlham İsmayıl deyib. Ekspert qeyd edib ki, idealoji sistemlərə müharibə ilə qalib gəlmək olmur. Onlar gərək içəridən dağılsın:

“Tram münaqişədən əvvəl deyirdi ki, rejim dağılmasa İranla danışıqlar baş tutmayacaq. İranda yanvar ayında başlayan etirazlar gözlənilən nəticəni vermədi. Bu rejim öz toxunulmazlığı uğrunda milyonları qurban verməyə hazırdır. Çünki o qədər cinayət törədiblər ki, etdiklərinin məsuliyətini öz üzərlərinə götürməmək üçün hər yola əl atırlar”.

İlham İsmayıl vurğulayıb ki, dini liderin öldürülməsi rejimin sonu demək deyil. Bu vəziyyəti daha da çıxılmaz hala salır:

“Xameneinin öldürməsindən sonra rejim təslim olmadı. Bu kütləvi etirazlarla da səbəb olmadı. Bunun səbəblərin biri yanvar ayındakı etirazların amansızlıqla yatırılması və kütlədə hələ qorxu psixalogiyasının hakim olmasıdırsa digər səbəb də bir çox insanın ölən dini liderə görə yas saxlamasıdır. Yəni etriaz etmək istəyənlərdə hələ ki, səsizdirlər. ABŞ və İsrail bunu hesablamalıydı. Onlar bilməliydilər ki, dini liderin öldürülməsi ilə məsələ həll olunmayacaq”.