"Günah valideynlərdədir"- Pediatr
Xəbər
verdiyimiz kimi ötən həftə Ağcəbədi rayonunda yeniyetmə 7 yaşlı uşağa 19 bıçaq zərbəsi
vurub. Vaktında edilən həkim müdaxiləsi körpənin həyatını xilas etsə də törədilən
cinayət hər kəsi şoka salıb.
Çünki cinayəti
törədən yeniyetmədəki qəzəb və nifrət hissi hər kəsdə təəccüb və çaşqınlıq
yaradıb.
Mövzu ilə
bağlı News365.az- a danışan pediatr Vaqif Qarayev
deyir ki, 7 yaşlı uşağa 19 bıçaq zərbəsi vurulması ağlasığmaz hadisədir:
“Ən dəhşətlisi
də odur ki, bıçaqlayan da uşaqdır... Ola bilər psixi problemi olub o uşağın. Amma
uşaqlar niyə bu qədər aqressiv olub son vaxtlar? Ailə tərbiyəsində problem
varmı? Var! Mühit aqressivləşibmi? Bəli! Telefondakı aqressiv oyunlar uşaqların
psixikasına təsir edirmi? Min dəfə bəli Küçədə, parklarda uşaqların davranışı
xoşagələn deyil. Əvvəl belə deyildi. İndi niyə belə olub? Məktəbi qınayaqmı? Məncə,
yox! Günün əsas hissəsini uşaq valideynin yanında olur, məktəbdə yox”.
News365.az- a
