Bayraktardan AÇIQLAMA: "Böyük bir sürprizimiz var"

TEKNOFEST İdarə Heyətinin sədri Səlcuq Bayraktar, Yalovada keçirilən TEKNOFEST Pilotsuz Uçuş Aparatları (PUA) Çempionatının 2-ci mərhələsində çıxış edib. Bayraktar bildirib:

"30 Avqustda haradayıq? İnşallah, TEKNOFEST Mavi Vətən layihəsi çərçivəsində İstanbul Tərsanəsində, Mavi Vətənin qəhrəmanları ilə, Barbaros Hayrəddinin nəvələri ilə və yüksək texnologiyaya imza atacaq, Mavi Vətəndə azad və müstəqil olmağımıza töhfə verəcək layihələrlə gənclərimizin yarışlarını izləyəcəyik. Hətta böyük bir sürprizimiz də olacaq."

News365.az xəbər verir ki, Yalovadakı Atatürk Şəhər Stadionunda STM rəhbərliyi ilə keçirilən çempionatın 2-ci mərhələsində iştirak edən Bayraktar çıxışında Havacılıq, Kosmos və Texnologiya Festivalı - TEKNOFEST-in bu il böyük coşqu ilə başladığını deyib.

İlk mərhələnin Şimali Kipr Türk Cümhuriyyətində keçirildiyini xatırladan Bayraktar əlavə edib:

"17–21 sentyabrda haradayıq? Hər kəsi İstanbula gözləyirik. Ondan əvvəl bir sürprizimiz daha olacaq. 30 avqustda isə TEKNOFEST Mavi Vətən layihəsi ilə İstanbul Tərsanəsində olacaq, TCG Anadolu orada yer alacaq. Kızılelma PUA-sı TCG Anadolu gəmisinin göyərtəsində olacaq. Bayraktar TB3 və milli freqatlarımız da orada olacaq. Və yenə də böyük bir sürprizimiz olacaq. Yalova əhalisini də Mavi Vətən TEKNOFEST-ə dəvət edirik."

TEKNOFEST PUA Çempionatında Türkiyənin hər yerindən gələrək mübarizə aparan iştirakçıları təbrik edən Bayraktar bildirib:

"Bəziləri öz dronlarını da özləri hazırlayıblar, üstəlik, bəzi texnoloji yeniliklərlə yarışa qatılıblar. Çətin parkurda böyük əzmlə yarışdılar – onları təbrik edirəm."

"TEKNOFEST nəsli dünyaya damğasını vuracaq"

Yarışmanın təşkilatçılarından olan STM-ni ilk ildən bəri göstərdiyi səylərə görə təbrik edən Bayraktar sözlərini belə davam etdirib:

"İnşallah sizin səyləriniz və coşğunuzla TEKNOFEST nəsli yüksək texnoloji layihələrlə dünyaya imza atacaq. Millətimizin dəstəyi ilə ölkəmiz tam müstəqillik və rifaha doğru bir addım da irəliləyəcək. Bu texnologiyalar dost və qardaş coğrafiyaları da işıqlandıracaq. Dünyanın dağıldığı nöqtələrdə, sivilizasiyamızın günəş üzü kimi parlayan övladları – sizlər – onu yenidən quracaqsınız. Sizlərlə yol yoldaşı olmaqdan böyük qürur və xoşbəxtlik duyuram. İyi ki, varsınız. İnşallah bir gün o gözəl dünyada, sizin qurduğunuz gələcəkdə yenidən görüşərik."

Proqram zamanı jurnalistlərin suallarını cavablandıran Bayraktar bildirib ki, TEKNOFEST-in ruhu artıq hər tərəfi əhatə etməyə başlayıb.

"Bu gün böyük coşqu ilə qaliblərə mükafatlarını təqdim etdik. Bu hələ ilk mərhələdir. Dünya Çempionatı da keçiriləcək. Bu yarışda iştirak edən bəzi gənclər öz dronlarını da dizayn edərək yarışa qatılıblar."

"TEKNOFEST artıq dost və qardaş coğrafiyalara da yayılmağa başlayıb"

Bayraktar, TEKNOFEST Dron Çempionatının 2-ci mərhələsində üçüncü yeri qazanan Koray Demirə sual verib:

"Sən dəmi öz dronunu düzəltdin? Bəs niyə dron düzəldirik? Bu sadəcə bir hobbi mi?"

Demir cavabında deyib:

"Bu texnologiya sayəsində ölkəmizin inkişafına töhfə vermək, sizin kimi dəyərli böyük qardaşlarımızın yanında yer almaq üçündür."

Gənclərin texnologiyanın hər sahəsində layihələr hazırladığını vurğulayan Bayraktar qeyd edib:

"Bunlardan biri də sosial mediadır. Bu gün dünyada demək olar ki, strateji silah halına gələn bu sahədə də gənclərimiz uğur qazanır. Yarışlarda əldə etdikləri uğurları sosial mediada paylaşacaqlar və bu platformalardan qarşılıqlı ünsiyyət quracaqlar."

Bayraktar əlavə edib ki, 2018-ci ildən bəri TEKNOFEST nəsli böyük bir enerji ilə, böyük bir dalğa kimi gəlir və bu ruh artıq dost və qardaş coğrafiyalara da yayılmağa başlayıb.

"Hal-hazırda 56 müxtəlif sahədə yarışlarımız var. Bu sahələr yalnız müdafiə sənayesi ilə məhdudlaşmır. Artıq müdafiə sənayesi ümumi sahələrin kiçik bir hissəsini təşkil edir. Xərçəngin müalicəsindən süni intellektə, insanlıq üçün texnologiyalardan robo-taksilərə, enerji texnologiyalarından raket yarışmalarına qədər çox geniş bir spektri əhatə edirik. Bu il yarışlara 1,2 milyona yaxın müraciət edilib. Gənc qardaşlarımız on minlərlə komanda qurublar. Yalnız komanda qurmaqla kifayətlənməyib, sonradan öz startaplarını yaradırlar. ‘Next Sosyal’ bunlardan biridir. Dünyaya damğa vuracaq. SİHA-larımız kimi. Həm müstəqilliyimizi gücləndirəcək, həm də rifahımızı artıracaq. Bu əsərləri yalnız Türkiyə üçün deyil, dost və könüllü coğrafiyalar üçün də hazırlayacaqlar. Mən, bu ölkənin mühəndis övladı olaraq texnologiya çempionlarına ürəkdən təşəkkür edirəm."