Zelenskiyə sui-qəsd hazırlamaqda şübhəli bilinən şəxs saxlanılıb
Dünya
18 Apr 2024 22:04
Ukrayna Prezidenti Volodimir Zelenskiyə sui-qəsd hazırlamaqda şübhəli bilinən şəxs saxlanılıb.
Bununla bağlı Ukrayna Baş Prokurorluğu məlumat yayıb.
Bildirilib ki, sözügedən şəxs Polşada saxlanılıb. Belə ki, əməliyyatı Polşa və Ukrayna hüquq-mühafizə orqanlarının əməkdaşları birgə həyata keçiriblər.
Polşa vətəndaşı olan həmin şəxs Rusiya tərəfi ilə əlaqə qurduğu və Rusiya hərbi kəşfiyyatına kömək etməyə hazır olduğunu bildirdiyi qeyd edilib.
Qeyd olunub ki, ona Rzeşov-Yasionka hava limanının təhlükəsizliyi ilə bağlı məlumatların toplanması və ötürülməsi, habelə Zelenskinin Polşaya səfəri zamanı ona sui-qəsd cəhdinin hazırlanmasında Moskva xüsusi xidmət orqanlarına yardım etmək tapşırılıb.
Youtube kanalımız
