Yeni bir mərhələ başlayır

“Bu gün vasitəçi ABŞ olsa da mövcud sülh atmosferini yaradan, onu mümkün edən, Ermənistanı imza atmağa məcbur edən ölkə birmənalı şəkildə Azərbaycandır. İndi isə ABŞ prosesi son mərhələyə çatdırmaq, müqavilənin bağlanması üçün qarşıdakı maneələri süpürüb kənara atmaqla məşğuldur və o bunu bacarır. Bu bugünkü reallıqdır”.

Bunu News365.az-a açıqlamasında iqtisadçı ekspert Eldəniz Əmirov deyib. O bildirib ki, sabahın isə özünə məxsus reallığı olacaqdır:

“Zəngəzur dəhlizinin beynəlmiləlləşməsi və açılması, ABŞ-ın regionda iqtisadi iştirakı Qafqazda yeni bir nizam formalaşdıracaq. Növbəti 20–30 ildə isə əsas həlledici faktir iqtisadi model seçimi olacaqdır. İqtisadi modelini Amerikanın iqtisadi arxitekturasına daha yaxın quran ölkələr digər qonşularından daha güclü oyunçulara çevriləcək. Bu mərhələ artıq başlayır”.

News365.az