Siqaret ömrü nə qədər qısaldır? -Həkimdən xəbərdarlıq

Çəkilən hər siqaret ömrü orta hesabla 20 dəqiqə qısaldır. Bu, kişilər üçün 17 dəqiqə, qadınlar üçün isə 22 dəqiqədir. Bu barədə tanınmış Müstəqil Narkoloji Gildiyanın prezidenti Ruslan İsayev Qazeta.Ru-ya açıqlamasında bildirib.

Əvvəlki tədqiqatlar siqaretin ömrü 11 dəqiqə azaltmasını təxmin edirdi. Bununla belə, yeni araşdırma daha yeni məlumatları və daha uzun təhlilləri nəzərə alaraq, tapıntıları daha aktual edir. Beləliklə, siqaret çəkənlər çəkməyənlərlə müqayisədə orta hesabla təxminən 10 il ömür itirirlər.

Siqaret çəkmək nəinki ömrü qısaldır, həm də yaşam keyfiyyətini pisləşdirir, xroniki xəstəliklərin vaxtından əvvəl inkişafına səbəb olur. Bu tədqiqat birbaşa və ya dolayısı ilə bir çox başqaları tərəfindən də təsdiqlənir. Xüsusilə, ABŞ-nin Narkomaniya üzrə Milli İnstitutu (NİDA) qeyd edir ki, 60 və daha yuxarı yaşda olan siqaret çəkənlər, orta hesabla 6 il tez ölür, siqaret çəkməyənlərlə müqayisədə iki dəfə yüksək ölüm nisbətinə malik olurlar.

İsayevin sözlərinə görə, siqareti atmaq heç vaxt gec deyil. Siqareti tərgitmək hətta qocalıqda da insanın ömrünü əhəmiyyətli dərəcədə artıra bilər.

Tural