Qara dənizdə delfinlər niyə ölür?

Novorossiysk sahillərində daha 6 qırmızı dərili delfin ölüsü tapılıb.

News365.az xəbər verir ki, bu barədə Rusiya Teleqram kanalları məlumat yayıb.

Məlumata görə, delfinlər Kerçdə tankerlərin qəza uğramasından sonra baş verən mazut sızması nəticəsində ölüb.

Bununla da mazut sızması nəticəsində ölən delfinlərin sayı 11-ə çatıb.

Bildirilib ki, mazut delfinlər üçün olduqca təhlükəlidir. Mədələrinə düşən az miqdarda mazut heyvanların ölümünə səbəb ola bilir.

Qeyd edək ki, Qara dənizdə yaşayan 3 növ delfin Qırmızı kitaba düşüb.