Meyiti gizlədən ispan təsadüfən Google Maps-in fotosuna düşdü

İspaniyada maraqlı hadisə baş verib. Google Maps şəkli İspaniya polisinə dəhşətli qətldə şübhəli bilinən şəxsi tapmağa kömək edib. Bu barədə xarici KİV məlumat yayıb.

Qeyd edilib ki, Google Maps əməkdaşlarının İspaniyanın şimalında yerləşən Tahueko kəndinə gəliblərmiş. Onlar kamera ilə yolları qeydə alarkən küçələrin birində qırmızı Rover-in baqajına böyük ağ çanta qoyan bir adamı da təsadüfən çəkiblər.

"Bu Google Maps şəkli İspaniya polisinin Kuba vətəndaşını öldürməkdə şübhəli bilinən şəxsi həbs etməsinə kömək etdi. 2023-cü ilin noyabrında Taueko sakini İspaniyaya məşuqəsi ilə dincəlmək üçün gələn və  Kubadan olan qohumunun itkin düşməsi barədə polisə məlumat veribmiş. Hər şey bundan sonra başlayıb və araşdırmalar nəticə vermirdi",- məqalədə yazılıb.

Polisin bir il ərzində cinayətkarı tapmağa çalışdığı, bu müddətdə hüquq-mühafizə orqanlarının cinayətdə şübhəli bilinən məşuqəni və onun ərini dindirdiyi, lakin Google Maps yenilənənə qədər onlara qarşı heç bir dəlil olmadığı vurğulanır. Fotoda polis itkin kubalının sonuncu dəfə göründüyü ərazidə kişinin çantada nəyisə gizlətməsi əks olunub. İndi istintaq kişini ər-arvad tərəfindən öldürüldüyü və cəsədinin qonşu kənddə basdırıldığı qənaətindədir.

Tural