İslamabadda tarixi təmas - Vaşinqton və Tehran üz-üzə

“Ən azından tərəflər hansı mərhələyə qədər irəliləyə biləcəklərini müəyyənləşdirdilər. İlk görüşdən konkret razılaşma gözləmək mümkün deyildi, çünki hər iki tərəf maksimalist şərtlərlə çıxış edirdi.”

Ekspert qeyd edib ki, ABŞ-ın əsas tələbləri dəyişməz olaraq qalır. Vaşinqton İranın uranın zənginləşdirilməsi proqramından imtina etməsini, Beynəlxalq Atom Enerjisi Agentliyinin nümayəndələrinə nüvə obyektlərinə məhdudiyyətsiz giriş verilməsini tələb edir. Bundan əlavə, İranın Yaxın Şərqdəki proksi qüvvələrə dəstəyini dayandırması, uzaqmənzilli raket proqramını məhdudlaşdırması və Hörmüz boğazının açıq saxlanılması da əsas şərtlər sırasındadır.

Şahidovun sözlərinə görə, bu tələblər İran tərəfindən qəbul edilmir və rəsmi Tehran bəzi məsələləri milli suverenlik kimi qiymətləndirir.

Digər tərəfdən, İran da ABŞ qarşısında bir sıra ciddi şərtlər irəli sürür. Tehran ABŞ və İsrail tərəfindən gələcəkdə hücum olmayacağına dair təminat istəyir, uzun illərdir tətbiq olunan sanksiyaların ləğvini və dondurulmuş maliyyə vəsaitlərinin geri qaytarılmasını tələb edir.

Bununla yanaşı, İran Hörmüz boğazı üzərində nəzarət məsələsində də öz mövqeyini gücləndirməyə çalışır. Lakin bu yanaşma ABŞ və beynəlxalq ictimaiyyət tərəfindən qəbul edilmir.

Politoloq hesab edir ki, tərəflər hazırda daha çox qarşılıqlı mövqeləri yoxlama mərhələsindədir və yaxın vaxtlarda ciddi razılaşma gözlənilmir.

News365.az