"Almaniyanı ağır günlər gözləyir"

Almaniya kansleri Fridrix Merz İslamabadda ABŞ və İran nümayəndə heyətləri arasında aparılan sülh danışıqlarının uğursuzluqla bitməsinə münasibət bildirərkən şok bəyanatlar səsləndirib.

News365.az xəbər verir ki, Almaniya rəhbəri danışıqların dayandırılmasına təəccüblənmədiyini, çünki prosesin başlanğıcdan zəif hazırlandığını vurğulayıb. 

Kansler qeyd edib ki, Vens-Kuşner və Qalibaf heyətləri arasındakı görüşlərin həqiqətən yaxşı hazırlandığına dair onda heç vaxt təəssürat yaranmayıb və məhz bu hazırlıqsızlıq nəticənin uğursuz olmasına gətirib çıxarıb. Merz açıq şəkildə etiraf edib ki, hazırda Almaniyanın üzləşdiyi daxili problemlərin, xüsusən də kəskin iqtisadi çətinliklərin əsl səbəbi İrandakı müharibədir.

"Biz İran müharibəsinin fəsadlarını hətta o başa çatandan sonra da uzun müddət hiss edəcəyik", — deyə xəbərdarlıq edən kansler, Almaniya iqtisadiyyatının və özəl ev təsərrüfatlarının çox uzunmüddətli və ağır bir yük dövrünə hazırlaşmalı olduğunu bildirib.

Merzin bu çıxışı Avropanın ən böyük iqtisadiyyatının İrandakı gərginlikdən necə sarsıldığını və Qərb müttəfiqləri arasında danışıqların təşkilinə dair narazılığın artdığını göstərir.