ABŞ və İran arasında gərginlik təhlükəli mərhələyə keçir

"Hərbi üstünlük ABŞ tərəfində olsa da, İran Hörmüz boğazının bağlanması amilindən istifadə edərək Vaşinqtona iqtisadi təzyiq göstərir. Onun sözlərinə görə, bu vəziyyət təkcə region ölkələrinə deyil, həm də ABŞ iqtisadiyyatına, inflyasiyaya və qiymət artımına mənfi təsir göstərir.

Politoloq qeyd edib ki, bu proses Donald Trump administrasiyası üçün də siyasi risk yaradır. O bildirib ki, ABŞ-da aralıq seçkilərinə az vaxt qaldığı üçün iqtisadi problemlərin dərinləşməsi Trampın siyasi mövqeyinə təsir edə bilər.

Natiq Miri vurğulayıb ki, Vaşinqtonun əsas variantlarından biri iqtisadi təzyiq siyasətini genişləndirməkdir. Onun fikrincə, İran neftini alan şirkətlərə, xüsusilə də China ilə əlaqəli qurumlara qarşı yeni sanksiyalar tətbiq oluna bilər.

Ekspert əlavə edib ki, qlobal iqtisadi böhran riskinin artması ərzaq və kənd təsərrüfatı sektoruna da ciddi təsir göstərir. Onun sözlərinə görə, enerji qiymətlərinin yüksəlməsi və gübrə çatışmazlığı gələcəkdə məhsuldarlığın azalmasına, nəticədə isə ərzaq qiymətlərinin artmasına səbəb ola bilər.

Politoloq hesab edir ki, mövcud vəziyyətdə tərəflər arasında hərbi əməliyyatların yenidən aktivləşməsi ehtimalı da istisna edilmir.