Pezeşkian Paşinyanı İrana səfərə dəvət edib

İran Prezidenti Məsud Pezeşkian Ermənistanın Baş naziri Nikol Paşinyanı ölkəsinə səfərə dəvət edib.

News365.az “Snn.ir” portalına istinadən xəbər verir ki, bu barədə İran Prezidenti İrəvanda bildirib.

Onun sözlərinə görə, regional məsələləri regional qüvvələr həll etməlidir və bu problemlərin üçüncü qüvvələrə həvalə edilməsi vəziyyəti daha da çətinləşdirəcək.

O qeyd edib ki, Cənubi Qafqazda sülh İran üçün strateji prioritetdir:

"Tehran Bakı ilə İrəvan arasında danışıqları dəstəkləyir".