Kolumbiyada torpaq sürüşməsi nəticəsində 23 nəfər ölüb

Kolumbiyanın şimal-qərbindəki Bello bələdiyyəsində torpaq sürüşməsi nəticəsində ölənlərin sayı 23-ə çatıb.

News365.az xarici mediaya istinadla xəbər verir ki, son rəsmi hesablamaya görə, 13 nəfər itkin düşüb. 

Məlumata görə, onların axtarışları davam edir və təbii fəlakətdən ümumilikdə 1 948 nəfər zərər çəkib.

Xatırladaq ki, torpaq sürüşməsi iyunun 25-də Bellodakı Qranisal yaşayış məntəqəsində baş verib.

İlk gün 10 nəfərin öldüyü məlum olmuşdu. Torpaq sürüşməsinə səbəb regionda bir neçə gün davam etmiş güclü yağışlar olub.