Gürcüstanda sui-qəsddə cəhd etmək istəyən Türkiyə vətəndaşları saxlanılıb

Gürcüstanın Batumi şəhərində 21 və 24 yaşlarında iki Türkiyə vətəndaşı həmyerlilərinə qarşı sui-qəsd, həmçinin qanunsuz şəkildə silah əldə etmə, saxlama və gəzdirmə ittihamları əsasında saxlanılıb.

News365.az xəbər verir ki, bu barədə Gürcüstan Daxili İşlər Nazirliyinin məlumatında deyilir.

Saxlanılanlardan biri adam öldürməyə cəhddə, o cümlədən qanunsuz olaraq odlu silah əldə etmək, saxlamaq və gəzdirməkdə, digəri isə xüsusilə ağır cinayət barədə məlumat verməməkdə ittiham olunur.

Sadalanan ittihamlar üzrə cəza 15 ilədək azadlıqdan məhrumetməni nəzərdə tutur.